د امارتي ادارو له وياندویانو، د رسنيو مسوولينو او خبريالانو سره د همغږۍ ناسته وشوه
د بادغيس د اطلاعاتو او کلتور رياست په همغږۍ د خبريالانو د خونديتوب کمېټې له لوري د امارتي ادارو وياندویانو، د رسنيو مسوولينو او خبريالانو سره د همغږۍ ناسته وشوه.
د اطلاعاتو او کلتور رئيس وويل: له رسنيو سره د همغږۍ غونډې په دوامداره توګه ترسره کیږي او د اطلاعاتو او کلتور ریاست د رسنيو د ستونزو د حل لپاره له هېڅ ډول همکارۍ څخه ډډه نه کوي.
دغه راز د اطلاعاتو او کلتور رئیس زیاته کړه، د رسنیو او خبریالانو ايماني او وجداني مسووليت دی، چې د امنيتي ځواکونو ترڅنګ ودرېږي او د هغوی فعاليتونو او لاسته راوړنو ته په پراخه کچه انعکاس ورکړي.
په یاده ناسته کې ګډونوالو د شته ستونزو، اړينو همغږيو او د رسنيزو فعاليتونو د ښه والي د لارو چارو په اړه بحث او د نظرونو تبادله هم وکړه.
۱۴۴۷/۹/۱۳ هـ ق
