د ختيځ زون موزیم د تاریخي اثارو د برښنايي (ډیجیټل) کولو لړۍ پیل شوه
د ننګرهار ولایت د اطلاعاتو او کلتور رياست اړوند د ختيځ زون موزیم د لرغونو اثارو د درې بعدي برښنايي(ډیجیټل) کولو لړۍ پیل شوه.
د دغه موزیم آمر وايي: دا مهال د ختيځ زون په موزیم کې د بېلابېلو تاریخي دورو ۱۴۲۰ لرغوني آثار موجود دي، چې د لا ښې ساتنې په موخه یې د برښنايي کولو بهیر پیل شو، چې دا بهیر د اطلاعاتو او کلتور وزارت د لارښوونو پر بنسټ، د ESAO موسسې د مسلکي او تجربه لرونکو کارکوونکو له لوري پیل شوی دی.
د موزیم آمر زیاته کړه؛ د لرغونو اثارو برښنايي کول به د اثارو د لا خوندي ساتنې، نندارې ته وړاندې کولو، علمي څېړنو او راتلونکو نسلونو ته د فرهنګي میراث د لېږد په برخه کې مهم رول ولوبوي.
۱۴۴۷/۷/۳ هـ ق
