د لوګر کې له وړیا ښوونیز مرکز څخه شاوخوا ۱۰۰ تنه زده کوونکي فارغ شول
د لوګر اطلاعاتو او کلتور ریاست د ځوانانو چارو آمریت اړوند وړیا ښوونیز مرکز څخه شاوخوا ۱۰۰ تنه زده کوونکي فارغ شول.
د اطلاعاتو او کلتور رئیس مولوي فیض الله جوهري وویل، ځوانان د هېواد راتلونکي رهبران دي، هر څوک چې د ځوان نسل د ښوونې او روزنې په برخه کې مسوولیت پر غاړه واخلي، هم ثواب ترلاسه کوي او هم د هېواد په وړاندې خپل واقعي مسؤولیت ترسره کوي.
د یادونې وړ ده، چې د اطلاعاتو او کلتور ریاست ځوانانو چارو آمریت اړوند ښوونیز مرکز د روان کال په لړ کې په څو مرحلو کې سلګونه تنه زده کوونکي د انګلیسي، کمپیوټر، خطاطۍ او ویناوالۍ له ټولګیو څخه فارغ کړي دي.
۱۴۴۷/۶/۴ هـ ق
