د نصرت آباد کلا او مملیک تپې لرغونو سیمو څخه لیدنه وشوه
د جوزجان ولايت د اطلاعاتو او کلتور ریاست مسؤلینو د نصرت آباد کلا چې د شاه امان الله خان دورې کې جوړه شوې او د سیمې په کچه ځانکړی ارزښت لري او مملیک لرغونې تپې څخه لیدنه وکړه.
د اطلاعاتو او کلتور رئیس مولوي سیف الدین معتصم د یادو لرغونو سيمو څخه د لېدنې په ترڅ کې وویل: نصرت آباد کلا په ځانګړي جوړښت او لرغونتوب د خلکو په زړونو کې ځای لري او مملیک لرغونې تپه د لرغوني تمدن لرلو له امله کولای شي، چې په لرغون پېژندنه او فرهنګي مطالعاتو کې ځانګړی رول ولوبوي.
نوموړي د لرغونو آبدو په ساتنې ټینګار وکړ او ډاډ یې ورکړ، چې د دغو لرغونو سيمو په اړه څېړنه، څارنه او مستند کول په جدیت دوام لري.
د ښاغلي معتصم په وینا د فرهنګي میراثونو ساتنه، نه یوازې زموږ د تېر تاریخ څرګندونه کوي، بلکې د راتلونکو نسلونو لپاره فرهنګي پانګه هم بلل کېږي.
۱۴۴۶/۱۲/۲۹ هـ ق
