د اطلاعاتو او کلتور وزارت اداري غونډه ترسره شوه
نن شنبه ( ۷ د جمادی الاولی ۱۴۴۶) له غرمې وروسته د اطلاعاتو او کلتور وزارت اداري غونډه د ياد وزارت د د ګرځندوی، مالي او اداري چارو معين مولوي قدرت الله جمال په مشرۍ ترسره شوه.
غونډه کې د اطلاعاتو او کلتور وزارت د ګرځندوی، مالي او اداري چارو معين مولوي قدرت الله جمال، د هنر او کلتور معين مولوي عتیق الله عزيزي، د ځوانانو چارو معين قاري محمد يونس راشد، د خپرونو چارو کفیل معين مولوي ضياءالحق حقمل او د مرکزي رياستونو رئيسانو ګډون درلود.
غونډه د قرانکريم په مبارک تلاوت پیل او ورپسې د ګرځندوی، مالي او اداري چارو معين ښاغلي جمال د ۱۴۰۴ لمريز کال لپاره د اطلاعاتو او کلتور وزارت په تشکيل خبرې وکړې، چې راتلونکي کې د ياد وزارت تشکيل په داسې ډول جوړ کړل شي، تر څو د هنر او کلتور، خپرونو چارو او ځوانانو برخه کې لا ډېر ګټور تمام شي او هيوادوالو او همدارنګه بهرنیو سیلانیانو ته د خدماتو په وړاندې کولو کې نورې اسانتياوې هم رامنځته شي.
د یادې اداري غونډې ګډونوالو هم د راتلونکي کال تشکيل په اړه خپل نظريات او وړانديزونه شريک کړل.
د غونډې په پای کې د ۱۴۰۴ لمريز کال تشکیلاتو جوړولو او ارزولو په موخه يوه کمېټه جوړه شوه، تر څو د یادې کميټې د فیصلې په اساس نهايي شي او راتلونکي کې په یادوو شوو برخو کې هيوادوالو ته لا نور ښه خدمات وړاندې کړل شي.
غونډه د دعايې په لوستلو پای ته ورسېده.
۱۴۰۳/۸/۱۹ هـ ل
۲۰۲۴/۱۱/۹میلادي
