کندوز زون کې د فریلانسېنګ برخې دویم پړاو ازموینه ترسره شوه
یکشنبه ( ۱۹ د شوال المکرم ۱۴۴۵) د کندوز ولايت د اطلاعاتو او فرهنګ ریاست د ځوانانو چارو آمر قاري داد محمد منصور وويل: اونۍ وړاندې د کندوز زون په کچه له سلګونه تنه ځوانانو څخه د اطلاعاتو او فرهنګ ریاست د ځوانانو چارو امريت له لوري د اکتید مؤسسې په همکارۍ د فریلانسېنګ یا انلاين کار او تجارت په برخه کې ازموینه اخیستل شوې وه، په یاده ازموینه کې ۲۵ تنو دویم پړاو ته لاره وموندله، چې نن له دوی څخه د دويم پړاو ازموينه واخستل شوه.
ښاغلي منصور زیاته کړه؛ نن يې د اکټید موسسې په دفتر کې په انلاين ډول له ۲۵ تنو چې دویم پړاو ته بریالي شوي و ازموینه واخیسته چې په دې ازموینه کې به د کندوز زون په کچه له څلورو ولایتونو څخه ۶ - ۶ تنه بریالي او د راتلونکو درې میاشتو لپاره به د مخکښو استادانو لخوا د فریلانسېنګ یا انلاين کار او تجارت زدکړې وکړي.
په ورته وخت کې بیا ددغې پړاو سیالیو دوه تنو ګډونوالو ددغې ازموينې له ترسره کولو لپاره د اطلاعاتو او فرهنګ ریاست د ځوانانو چارو آمریت څخه د مننې ترڅنګ وویل: له دې پروګرام سره به راتلونکي کې ګڼ شمېر هغه ځوانان چې فریلانسېنګ برخې ته اړتيا لري، په زده کړو بوخت شي.
د یادونې وړ ده چې د فريلانسېنګ (آنلاین کار او تجارت) لومړنی درې میاشتنی تخصصي پروګرام د اطلاعاتو او فرهنګ وزارت د ځوانانو چارو معینیت له لوري د اکټېډ موسسې په همکارۍ د ځوانانو د اقتصادي پرمختګ په موخه پيل کړل شوی و، چې په کې د هېواد د ځوانانو لپاره د آنلاین تجارت په مهمو برخو کې زده کړې ورکول کيږي.
۲۰۲۴/۴/۲۸ میلادي
۱۴۰۳/۲/۹ هــ ل