کندهار کې د لوړو زده کړو مؤسسې سره علمي هوکړه ليک لاسليک شو
د کندهار ولايت د اطلاعاتو او فرهنګ رياست د ځوانانو چارو آمریت له لوري د ميرويس نيکه د لوړو زده کړو مؤسسې سره په دريو پوهنځيو کې علمي هوکړه ليک لاسليک شو.
د ځوانانو چارو آمر حافظ حمدالله سعيد وویل: د ځوانانو چارو آمريت د ميرويس نيکه لوړو زده کړو مؤسسې سره په حقوقو، اقتصاد، سياسي علومو او نړيوالو اړيکو پوهنځيو کې په ۷۵ سلنه تخفيف سره د ځوانانو د جذبولو تفاهم ليک لاسليک کړ، چي علاقمند ځوانان به د کانکور په ازموينې کې تر بريالي کيدو وروسته په يادو پوهنځيو کې زده کړې کوي.
د يادولو وړ ده، چي علاقمند ځوانان ميرويس نيکه لوړو زده کړو مؤسسې ته د ځوانانو چارو آمريت له لوري د يوه ځانګړي فورم له لاري ور معرفي کيږي.
۱۴۴۶/۱/۲۹ھ ق
۱۴۰۳/۵/۱۴ ھ ل
