کندهار کې د حضرت جي بابا جامع د ثبت چارې ترسره شوې
د کندهار ولايت د اطلاعاتو او کلتور ریاست د هنر او فرهنګ امريت له لوري د حضرت جي بابا لرغونې جامع د ثبت چارې ترسره شوې.
د اطلاعاتو او کلتور ریاست د هنر او فرهنګ آمر عبدالشکور څپاند او د تاريخي آبداتو مدير د يادې جامع څخه د ثبت او راجسټر په هدف ليدنه وکړه او د جامع ټولې برخې يې وارزولې.
د حضرت جي بابا تاريخي جامع، چي د کندهار ښار په ۱۴ مه ناحیه کې موقعيت لري، د احمد شاهي دور په ۱۱۸۰ ه ق کال کې په بخارايي سبک جوړه شوې ده.
د کندهار ولايت د اطلاعاتو او کلتور رياست مسؤلين وايي: هڅه کوي، چې په کندهار ښار او ولسواليو کې ټولې لرغونې سيمې او ابدات ثبت او راجسټر کړي.
۱۴۴۶/۱/۲۹ ھ ق
۱۴۰۳/۵/۱۴ ھ ل
