څمکنيو ولسوالۍ کې غږېزو رسنیو څخه لیدنه وشوه
د پکتیا ولايت د اطلاعاتو او کلتور رئیس مولوي ثواب جان اسلام یار په څمکنیو ولسوالۍ کې پټان غږ، څمکني غږ او د نن ایف ایم راډیوګانو نشراتي وضعیت، څرنګوالي، اداري او مالي چارو څخه لیدنه وکړه.
د اطلاعاتو او کلتور رئیس مولوي ثواب جان اسلام یار د دغې لیدنې پرمهال وویل: په رسنیو کې باید ژمن، مسلکي او په کار پوه کسان په دندو وګمارل شي، تر څو د اسلامي، کلتوري او ژورنالیستیکي اصولو په چوکاټ کې خپرونې وړاندې کړي.
اسلام یار د یادو رسنیو مسؤلینو ته سپارښتنه وکړه، چې خپل نشرات د افغانستان اسلامي امارت د نشراتي پالیسۍ مطابق مخته یوسي او په خپلو خپرونو کې اسلامي لارښوونو او د دیني علماوو ویناوو ته ځای ورکړي.
دغه راز نوموړي غوښتنه وکړه، چې د ښوونې، اقتصاد، روغتیا، ډاډمن امنیت، رغنیزو چارو او په ټولو برخو کې د نظام لاسته راوړنې او فعالیتونه په ښه ډول تر ولسونو ورسوي.
د دغې لیدنې په ترڅ کې د یادو رسنیو د خپرونو مهالوېش، نشراتي وضعیت، جوازونو، دستګاوو او اداري او مالي چارو اسنادو څخه لیدنه وشوه.
۱۴۴۶/۸/۵ ق
۱۴۰۳/۱۱/۱۶ ل
