په کاپیسا کې (ځوانان او د اسلامي نظام پر وړاندې يې مسؤلیت) سمینار ترسره شو
د کاپیسا ولایت د اطلاعاتو او کلتور ریاست د ځوانانو چارو آمریت له لوري (ځوانان او اسلامي نظام پر وړاندې يې مسؤلیت) تر سرلیک لاندې د ځوانانو د فکري روزنې په موخه یو ورځنی سمینار ترسره شو.
د سمینار په پیل کې د اطلاعاتو او کلتور رئیس مولوي کریم الله وثیق د ګډونوالو هرکلی وکړ او ویې ویل: ځوانان په ټولنه کې ځانګړی مقام لري، نو ځکه باید د خپلو علمي او فکري وړتیاوو د لوړولو لپاره هڅه وکړي.
دغه راز د ځوانانو چارو آمر اظهارالله عاصم د مسؤلینو او ځوانانو له ګډون څخه مننه وکړه او زیاته یې کړه؛ د ځوانانو چارو آمریت تل د ځوانانو د روزنې او پرمختګ ملاتړ کړی او دا لړۍ به دوام ولري.
ورپسې د ياد سمينار ( ځوانان او د اسلامي نظام پر وړاندې يې مسؤولیت) په اړه ځوانانو ته هر اړخيز او مفصل معلومات ورکړل شول.
په پای کې د سمینار ګډونوالو د اطلاعاتو او کلتور ریاست له لوري د دې پروګرام له جوړولو څخه مننه وکړه او له یاد ریاست څخه یې د ورته نورو سمينارونو د جوړولو غوښتنه وکړه.
۱۴۴۶/۷/۲۹ ق
۱۴۰۳/۱۱/۱۱ ل
