په پنجشیر کې د ځوانانو د مهارتونو د لوړولو لپاره ژمني کورسونه پیل شول
د پنجشیر ولایت د اطلاعاتو او کلتور ریاست د ځوانانو چارو آمریت له خوا د ځوانانو د مهارتونو د لوړولو په موخه ژمني کورسونه پیل شول.
د اطلاعاتو او کلتور رئیس مولوي نصرالله ملکزاده د دې کورسونو د رسمي پرانیستې پر مهال د اسلامي اصولو په چوکاټ کې د زده کړو د زمینې برابرولو په اړه د تعهد څرګندونه وکړه.
نوموړي وویل: دغه کورسونه د ځوانانو د علمي پرمختګ او ظرفیت لوړولو په موخه پیل شوي او درې میاشتې به دوام وکړي.
نوموړي زیاته کړه؛ په دې کورسونو کې د کمپیوټر او انټرنیټ د زده کړې پروګرامونه شامل دي، ژمني کورسونه د ۲۰ کمپیوټرونو، مناسبو میزونو او څوکيو، پروجیکټور او نورو اړینو توکو په مرسته سمبال شوي دي.
د مسؤلينو په وينا؛ دا مهال شاوخوا ۳۰۰ ځوانانو دې کورسونو ته نوم لیکنه کړې او درسونه د سهار او ماسپښین په دوو وختونو کې شروع کېږي.
۱۴۴۶/۶/۲۸ هـ ق
۱۴۰۳/۱۰/۱۰ هـ ل
