په سمنګانو کې د ځوانانو ترمنځ د سیرت النبيﷺ سیالي ترسره شوه
د سمنګانو ولایت د اطلاعاتو او کلتور ریاست د ځوانانو چارو آمریت، د امربالمعروف او نهی عن المنکر، د پوهنې او د حج او اوقافو ریاستونو په ملتیا د (ستاره سیرت) تر عنوان لاندې د سیرت سیالي ترسره کړه.
په دې اړه د سمنګانو ولايت د اطلاعاتو او کلتور رئيس مولوي فيروزالدين منيب وویل: د سيرت له سيالۍ څخه یې موخه ځوانان د رسول الله پر ژوند پوهول دي.
ورپسې د اطلاعاتو او کلتور رياست د ځوانانو چارو آمر صبغت الله زرقاوي وویل: په دې سيالۍ کې څه د پاسه اوه سوه تنو ځوانانو برخه اخېستې وه او هغه ځوانان چې وتوانيږي لومړى، دويم او دريم مقام وګټي د اطلاعاتو او کلتور ریاست له لوري به جايزې هم ترلاسه کړي.
۱۴۴۵/۵/۸ هـ ق
۱۴۰۲/۹/۱ هـ ش
