نږدې راتلونکي کې به د مقر ولسوالۍ کتابتون فعال او ګټې اخستنې ته وسپارل شي
چهارشنبه (۱۵ د شوال المکرم ۱۴۴۵) د غزني ولايت د اطلاعاتو او فرهنګ رياست رئيس ملا حميدالله نثار د مقر ولسوالۍ له يو شمېر قومي مشرانو او اوسيدونکو سره په خپل کاري دفتر کې وکتل.
د اطلاعاتو او فرهنګ رئيس ملا حميدالله نثار د مقر ولسوالۍ د قومي مشرانو له راتګ څخه خوښي څرګنده کړه او ويې ويل: د خلکو د ستونزو حل کول مو په کاري لومړيتوبونو کې دي.
د ښاغلي نثار په وينا؛ د غزني ولايت په ټولو ولسواليو کې د کتابتونونو د جوړولو هڅې روانې دي او د مقر ولسوالۍ کتابتونه به په نږدې راتلونکي کې فعال او د ګټې اخستنې ته وسپارل شي.
د مقر ولسوالۍ قومي مشرانو خپل وړانديزونه او ستونزې شريکې کړي او د اطلاعاتو او فرهنګ رياست څخه يې د حل کولو غوښتنه وکړه.
۲۰۲۴/۴/۲۴ ميلادي
۱۴۰۳/۲/۵ هــ ل