لغمان کې د رسنیو مسؤلینو او خبریالانو سره د همغږۍ ناسته وشوه
د لغمان اطلاعاتو او کلتور ریاست مسؤلينو د مرستيال والي په ګډون د رسنیو له مسؤلینو او خبریالانو سره د همغږۍ ناسته وکړه.
د اطلاعاتو او کلتور ریاست مسؤلینو په لغمان کې د فعالو خصوصي او امارتي رسنیو، د خبریالانو د خوندیتوب او اطلاعاتو ته د لاس رسي په اړه معلومات شريک کړل.
مرستیال والي رسنۍ او خبریالان د امت مسلمه ژبه وبلله او ویې ویل: رسنۍ دې د نظام او د هېواد د ابادۍ ښه تصویر نړیوالو ته وړاندې کړي، اسلامي نظام کې د ټولو حقونه خوندي دي، رسنۍ او خبریالان دې په کلک هوډ، همت او اخلاص سره ددې نظام د پیاوړتیا او وطن د ابادۍ په موخه کار وکړي.
۱۴۴۷/۷/۲۸ هـ ق
