فراه کې د خبريالانو د خونديتوب کمېټې د همغږۍ ناسته وشوه
د فراه په اطلاعاتو او کلتور رياست کې د خبريالانو د خونديتوب کمېټې د همغږي ناسته وشوه، چې پکې د یاد رياست او خبريالانو د خونديتوب کمېټې مسؤلینو او د رسنيو مسؤلینو ګډون کړی وو.
د خبريالانو د خونديتوب کمېټې ولايتي مسؤل د ناستې موخه د خبريالانو او امارتي ادارو ترمنځ لا ښه همغږي رامنځته کول او ستونزو ته د حل لارې لټول وبلل او د اطلاعاتو او کلتور رياست له مسؤلينو څخه یې وغوښتل، چې د ولايتي ادارو د وياندويانو او خبريالانو ترمنځ د اطلاعاتو ته د لاسرسي په برخه کې همکاري لازیاته شي.
دغه راز د اطلاعاتو آمر د هر اړخيزې همکارۍ د ډاډ ترڅنګ زياته کړه؛ چې د ستونزو د رامنځته کېدو پر مهال له ولايتي ادارو سره په همغږۍ د خبريالانو ټولو ستونزو ته په وخت رسيدنه کېږي.
د یادونې وړ ده، چې د دغې ناستې په ترڅ کې د رسنيو د ستونزو او ننګونو ترڅنګ د يو شمير راډیوګانو د ځای او انټن د لېږد، سوداګريزو خبرتياوو او یو شمېر نورو اړینو موضوعاتو په اړه هم خبرې وشوې.
۱۴۴۷/۴/۱۹ هـ ق
