سمنګانو کې د رسنیو او حکومت د ګډې کمېټې لومړۍ غونډه جوړه شوه
د سمنګان ولايت د اطلاعاتو او کلتور رياست د خبريالانو د خونديتوب کميټې په همکارۍ دې ولايت کې د رسنيو او حکومت د ګډې کميټې لومړۍ ناسته د ياد رياست د رئيس، د ولايت د وياند، د خبريالانو د خونديتوب کميټې د مسؤل، خبريالانو او د رسنيو د استازو په ګډون جوړه کړه.
په پيل کې د اطلاعاتو او کلتور رئيس مولوي فيروز الدين منيب د ټولنې په پياوړتيا کې د اطلاعاتو او کلتور پر اهميت ټينګار وکړ او ويې ويل: رسنۍ بايد د عامه پوهاوي په لاره کې کار وکړي.
ورپسې د خبريالانو د خونديتوب کميټې مسؤل عبدالطیف سهاک د رسنيو او حکومت د ګډې کميټې په جوړولو او فعاليتونو هر اړخيزې خبرې وکړې.
په پای کې د يو شمېر رسنيو مسؤلینو او خبريالانو خپل وړانديزونه، غوښتنې او ستونزې شريکې کړې، چې د اطلاعاتو او کلتور رياست له لوري يې د حل کولو ډاډ ورکړل شو.
۱۴۴۶/۴/۱۸ هـ ق
۱۴۰۳/۷/۳۰ هـ ل
