سلګونه ځوانانو ته د وړیا زده کړو زمینه برابره شوه
د پکتیا اطلاعاتو او کلتور ریاست اړوند ښوونیز مرکز کې سلګونه ځوانانو ته د ژمي درې میاشتني د وړیا زده کړو کورسونه پیل شوي دي.
د مسؤلینو په وینا یاد ښوونیز مرکز کې د دیني، فکري، اصلاحي، ساینسي، کمپیوټر، انګلیسي ژبې، املاء او انشاء زده کړو ټولګي پیل شول، د دې ترڅنګ د الکوثر فکري او فرهنګي ادارې په ګډۍ همغږۍ په زرمت، احمدخیلو او څمکنیو ولسوالیو کې سلګونه تنو بې وزله ځوانانو ته هم د زده کړو په برخه کې اسانتیا رامنځته شوې او هڅه کېږي، چې دا لړۍ به نورو ولسوالیو ته هم وغځول شي.
۱۴۴۷/۷/۹ هـ ق
