سرپل کې سلګونو ځوانانو ته د وړیا زده کړو زمينه برابره شوې
سرپل ولايت کې د اطلاعاتو او کلتور رياست له لوري د ځوانانو چارو آمريت اړوند ښوونيز مرکز کې سلګونه ځوانانو ته د وړيا زده کړو پروګرامونه پيل شول.
د سرپل ولایت د اطلاعاتو او کلتور رئیس ملا عبدالغفار حقنما وايي: د ښوونیزو پروګرامونو د پیل کولو له لارې د سرپل ځوانانو ته د تعليم ترلاسه کولو لپاره زمينې برابرولو ته ژمن دي، نوموړي زياته کړه، د افغانستان د اسلامي امارت يوه اساسي تګلاره د هيواد ټولو ځوانانو ته د پوهې زمينه برابرول دي.
يو شمېر ځوانان چې د سرپل ولايت د اطلاعاتو او کلتور رياست په وړيا ښوونيز مرکز کې روزل کېږي، د اطلاعاتو او کلتور له رياست څخه مننه وکړه او د نورو ښوونيزو پروګرامونو د ترسره کولو غوښتنه يې وکړه.
د يادونې وړ ده، چې ددې ولايت د اطلاعاتو او کلتور رياست د ښوونيز مرکز له بېلابېلو کورسونو څخه سلګونه تنه ځوانان فارغه شوي دي.
۱۴۰۳/۵/۱۳ ھ ل
۲۰۲۴/۸/۳ ميلادي
