د کتاب ارزونې کمېسیون نوبتي غونډه وشوه
دوشنبه (۱۴۴۷ د ذوالحجة الحرام ۱) د اطلاعاتو او فرهنګ وزارت د خپرونو چارو معینیت اړوند د کتاب ارزونې کمېسیون نوبتي غونډه وشوه.
د غونډې په پيل کې د کمېسیون منشي د تېرې غونډې راپور وړاندې کړ، وروسته د کمېسیون غړو د بېلابېلو موضوعاتو په اړه بحث او پرېکړې وکړې.
په دې غونډه کې، د کمېسیون د غړو له لوري د چاپ څخه وړاندې د ۱۰ بېلابېلو عنوانونو درلودونکو کتابونو د ارزونې راپور وړاندې شو او د کمېسیون د غړو له بحث او نظر تبادلې وروسته، د هغو په اړه لازمې پرېکړې وشوې.
همدارنګه، د بې پولې ډاکټرانو سازمان (MSF) اړوند چاپي اعلانونه هم وارزول شول او تر څېړنې وروسته تایید شول.
د غونډې په لړ کې د یوه لیکوال د کتاب په اړه هم بحث وشو چې یاد اثر د کمېسیون د غړو له لوري وستایل شو.
په پای کې ۷ ټوکه له چاپ څخه مخکې او نوي کتابونه د ارزونې په موخه د کمېسیون غړو ته وسپارل شول، ترڅو، په راتلونکې ناسته کې یې راپور وړاندې کړي.
۱۴۰۵/۲/۲۸ هـ ل.
