د کتابونو د ارزونې کمېسیون نوبتي غونډه وشوه

دوشنبه، د (۱۴۴۶ هـ ق کال د شعبان ۱۱مه) د اطلاعاتو او کلتور وزارت د خپرونو معینیت کې د کتابونو د ارزونې کمېسیون نوبتي غونډه وشوه.  
په دې غونډه کې د اطلاعاتو او کلتور وزارت د خپرونو چارو معین مهاجر فراهي، د باختر خبري آژانس رئیس ضیاءالحق حقمل او د کمېسیون نورو غړو ګډون کړی وو.
غونډه د قرآن عظیم الشان په آیتونو په تلاوت سره پیل شوه، ورپسې د خپرونو چارو معین مهاجر فراهي د تېرې غونډې لاس ته راوړنو او فعالیتونو په اړه خبرې وکړې.  
په دې غونډه کې د ولایتونو څخه د ولایتي کمیټو لخوا راټول شوي کتابونو او هغو کتابونو په اړه پرېکړې وشوې چې کمېسیون ته سپارل شوي وو او هغه کتابونه چې د اسلامي او افغاني ارزښتونو سره سمون درلود، د چاپ اجازه ورکړل شوه.
د غونډې په پای کې هغه کتابونه چې کمېسیون ته د ارزونې لپاره رالیږل شوي وو، د کمېسیون غړو ته د ارزونې او څېړنې لپاره ووېشل شول، ترڅو په راتلونکې غونډه کې د دې کتابونو راپور وړاندې کړي.

۲۰۲۵/۲/۱۰ زېږدیز 
۱۴۰۳/۱۱/۲۲ ه‍ ل