د ټوليزو رسنيو د پاليسۍ د مسودې پر وروستۍ طرحې باندې بحث وشو
د رسنيو د عالي شورا په غونډه کې چې د اطلاعاتو او فرهنګ وزارت د سرپرستې حسينې ساپۍ په مشرۍ جوړه شوه؛ د ټوليزو رسنيو د پاليسۍ د مسودې د وروستۍ طرحې په باب بحث وشو.
د باختر آژانس د خبريال د خبرله مخې:
د دغې غونډې په پيل کې د اطلاعاتو او فرهنګ وزارت ستر حقوقي سلاکار دلاور نذير زوى د ټوليزو رسنيو د پاليسۍ د مسودې د وروستۍ طرحې په باب معلومات ورکړل او د دغې مسودې طرحه يې د رسنيو د عالي شورا له غړو سره شريکه کړه.
وروسته د رسنيو د عالي شورا غړو، د ټوليزو رسنيو د پالیسۍ د مسودې په وروستۍ طرحه کې د ځينو مواردو د شاملولو او یا حذفولو لپاره خپل نظريات او وړانديزونه طرحه کړل.
په غونډه کې پريکړه وشوه ترڅو په اجندا کې ځېنې شاملې برخې په راتلوونکې غونډه وڅيړلې شي.
