د هرات د تياتر او سينما له هنرمندانو سره د همغږۍ ناسته وشوه
شنبه (۲۸ د محرم الحرام ۱۴۴۶) هرات ولايت د اطلاعاتو او کلتور رياست د هنر او فرهنګ آمريت له لوري د سينما او تياتر هنرمندانو د سره د فرهنګي او هنري وضعيت د ښه والي په موخه د همغږۍ ناسته وشوه.
د هنر او فرهنګ آمر مولوي حميد الله غياثي وويل: د همغږۍ ناستې د مسؤلينو او هنرمندانو تر منځ د نظرياتو د تبادله کولو فرصت برابروي، تر څو د هنر او فرهنګ اړوند د ستونزو او فرصتونو په اړه پريکړې وشي، او د هنرمندانو د ظرفیت لوړونې لپاره نوي پروګرامونه جوړ کړل شي.
د افغان فلم مدير حافظ محمد قاسم اميني د خپلو خبرو په ترڅ کې وویل: دا ډول ناستې د همکارۍ د فضا په پياوړي کولو او د فرهنګي ټولنو او هنرمندانو تر منځ د اړيکو رامنځته لپاره موثرې تماميږي.
د يادونې وړ ده، چې د هرات د تياتر صالون د اطلاعاتو او کلتور رياست په همغږۍ د ښاروالۍ له لوري تر بيارغونې لاندې دی.
۱۴۰۳/۵/۱۳ هـ ل
۲۰۲۴/۸/۳ میلادي
