د هرات اطلاعاتو او کلتور رئیس د "غني زاده د ښکلا او درملنې مرکز" له رئیس سره تفاهم لیک لاسلیک کړ
تېره ورځ د هرات ولایت د اطلاعاتو او کلتور له رئیس مولانا نعيم الحق حقاني سره د "غني زاده د ښکلا او درملنې مرکز" رئیس ډاکټر محمد اسماعیل حیدري وکتل او د روغتیایي چوپړتیاوو په برخه کې يې د اړمنو کسانو لپاره د تخفيف په اړه ور سره د يو کال لپاره تفاهم لیک لاسلیک کړ. په دې کتنه کې ښاغلي حقاني له ډاکترانو مننه وکړه، چې د خلکو اقتصادي وضعيت درک کوي او هغوى ته تخفيف ورکوي.
د يادونې وړ ده، چې په شرايطو برابر کسان کولاى شي چې د ياد تخفيف په موخه د اطلاعاتو او کلتور رياست د ځوانانو چارو آمريت ته مراجعه وکړي او له ياد آمريت څخه به بيا دغه روغتیايي مرکز ته ورپېژندل کېږي.
۱۴۴۵/۳/۳ هـ ق
۱۴۰۲/۶/۲۷ هـ ش
