د لوګر عامه کتابتون سره څه باندې ۴۰۰ ټوکه کتابونو مرسته وشوه

د اطلاعاتو او کلتور وزارت اړوند عامه کتابتون ریاست له لوري د لوګر ولایت د عامه کتابتون د لابډاینې او د مطالعې د مینوالو  د ستونزو د حل په موخه ۴۱۴ ټوکو کتابونو مرسته وشوه.
 د لوګر د اطلاعاتو کلتور ریس رفیع الله صمیم د یادو کتابونو د سپارلو پر مهال د عامه کتابتون ریاست دغه اقدام د ستایني وړ وباله او ترڅنګ یې د کتاب او مطالعي پر نورو مینوالو او فرهنګ پالو هم غږ وکړ، چې د لوګر عامه کتابتون په لا بډاینه کې برخه واخلي.
د لوګر د عامه کتابتون مدیر عبدالاحد فیضي وویل: دغه ۴۱۴ ټوکه کتابونو کې د دیني کتابونو سربېره، ریاضي، ساینسي،بیولوژي، فکري او نور کتابونه شامل دي، چې ورسره به د مطالعې د مینوالو  ډېرې ستونزې حل شي.
د یادونې وړ ده، چې اوس مهال د لوګر عامه کتابتون کې تر شپاړس زرو څخه زیات کتابونه  شتون لري او هره ورځ له شلو څخه تر دېرشو د کتاب مینوال د مطالعې په پار دغه کتابتون راځي.

۱۴۴۵/۷/۱۰ هـ ق
۱۴۰۲/۱۱/۱ هـ ل