د لوحو او تابلوګانو د اصلاح کمېسیون نوبتي ناسته ترسره شوه
د اطلاعاتو او کلتور وزارت د خپرونو چارو معينيت کې د ياد معينيت د معين مولوي مهاجر فراهي په مشرۍ د لوحو او تابلوګانو د اصلاح کمېسيون نوبتي ناسته ترسره شوه.
د ناستې په ترڅ کې د صنعت او تجارت وزارت د جوازونو د صدور څانګې له استازي سره د غیر معياري لوحو، جوازونو د وېش، او له دې کمېسيون سره د همکارۍ پر موضوعاتو بحث وشو.
همداراز په ناسته کې د کندوز ولايت د لوحو لپاره د بديلو کلمو لېست وړاندې شو، چې د کميسيون غړو يې په اړه خپل نظريات شريک کړل، تر څنګ يې د کمېسيون په تېر دوه کلن فعاليت هم خبرې او د نظرياتو تبادله وشوه.
د ناستې په پای کې د کمېسیون د غړو د راتلونکي نظارت لپاره وخت او ساحه وټاکل شوه.
۱۴۴۶/۶/۲۹ هـ ق
۱۴۰۳/۱۰/۱۱ هـ ل
