د فاریاب ولایت خواجه سبزپوش ولسوالۍ کې د حق المبین کتاب ازموینې پایلې اعلان شوې

د فارياب ولايت د اطلاعاتو او کلتور رياست د ځوانانو چارو آمريت له لوري د خواجه سبزپوش ولسوالۍ د ښوونځيو او مدرسو له زده کوونکو څخه د حق المبين کتاب ازموينه اخستل شوې وه، چې پايلې يې د سيمه ييزو مسوولينو، د ښوونځيو او مدرسو د استادانو، ځوانانو او علماوو په شتون کې اعلام شوې. 
د اطلاعاتو او کلتور رئيس مولوي شمس الدين محمدي د يادې ازموينې په اړه معلومات شريک کړل او ويې ويل: د اطلاعاتو او کلتور رياست هڅې کوي، چې په ولسواليو کې د دې ډول ازموینو په ترسره کولو د ځوانانو د پوهې کچه لوړه کړي او مطالعې ته يې وهڅوي، دې ازموينه کې ۱۷۰ تنه ځوانانو برخه اخستې وه، چې غوره ګډونوالو ته يې بېلابېلې ډالۍ په نظر کې نيول شوي دي.
د يادونې وړ ده، چې ددې ازموينې لومړي مقام ګټونکي ته يو پايه کمپيوټر، دوهم مقام ګټونکي ته موبایل او له دريم مقام څخه تر لسم مقام ګټونکو ته نغدي ډالۍ او ستاينليکونه ورکړل شول.

۱۴۴۶/۴/۱۴ هـ ق
۱۴۰۳/۷/۲۶ هـ ل