کونړ کې له وړيا ښوونيز مرکز څخه لسګونه ځوانان فارغ شول
د کونړ ولايت د اطلاعاتو او کلتور رياست له وړيا ښوونيز مرکز څخه شاوخوا ۹۰ تنه ځوانان له شپږ مياشتنيو زده کړو ترلاسه کولو وروسته فارغ شول.
د اطلاعاتو او کلتور رياست رئيس مولوي نجیب الله حنیف وویل: د ځوانانو چارو آمریت اړوند وړیا ښوونيز مرکز څخه د انګليسي ژبې تر شپږ مياشتنيو زده کړو وروسته شاوخوا ۹۰ تنه ځوانان فارغ شول، یاد ښوونيز مرکز کې د کمپيوټر، انګليسي ژبې او فکرې روزنې په اړه تدريس کېږي، چې تر دې مهاله ترې سلګونه تنه ځوانان فارغ شوي دي.
د وړیا ښوونيز مرکز زده کوونکي د اطلاعاتو او کلتور رياست څخه د خوښۍ په څرګندولو سره وايي: د اقتصادي ستونزو له امله مو نشو کولای، چې په خصوصي ښوونيزو مرکزونو کې زده کړو ته دوام ورکړو، دا چې دلته ورته د وړیا زده کړو زمينه برابره ده، نو په پوره علاقې سره خپلو درسونو ته دوام ورکوو.
۱۴۴۶/۱۰/۲۵ ق
