د فاریاب د اطلاعاتو او کلتور، پوهنې ریاست او ښاروالۍ ترمنځ د همکارۍ درې اړخيز تړون لاسليک شو

تېره ورځ د فاریاب ولايت د اطلاعاتو او کلتور رياست، پوهنې رياست او ښاروالۍ ترمنځ د ښاروالۍ کمېټې له لوري په مدرسو او ښوونځيو کې زده کوونکو ته د ښاري کلتور مراعتولو، ټولنيز مسولیت منلو، په ښاري حکومتولۍ کې د ځوانانو ونډه اخستلو او د دوستۍ او ورورۍ فضا په جوړولو د عامه پوهاوي او روزنيزو پرواګرامونو دايرولو لپاره درې اړخيز تړون لاسليک شو.
د فاریاب ولايت مرکز میمنې ښار په ښاروالۍ کې په همدې موخه جوړه شوې ناسته کې د اطلاعاتو او کلتور رئيس مولوي شمس الدين محمدي، د پوهنې رئيس، مولوي حفیظ الله معتصم بالله او ملا ګل احمد مبشر د ميمنې ښاروال ګډون درلود.
د اطلاعاتو او کلتور رئيس مولوي شمس الدين محمدي وويل: یاد تړون په ټولنه کې د ښه سلوک او رفتار د رواجولو لپاره ډېر اړين دی، د همدې تړون د عملي کولو په صورت کې به د زده کوونکو تر څنګ والدين او ټول ښاريان هم د ياد عامه پوهاوي او روزنيزو پروګرامونو له موادو برخمن شي.

۱۴۴۵/۳/۹ هـ ق
۱۴۰۲/۷/۲ هـ ش