د سياحتي او زيارتي شرکتونو مسؤلينو سره د همغږۍ ناسته وشوه
د ننګرهار ولایت د اطلاعاتو او کلتور رئيس مولوي ذبيح اللّه نوراني د يو شمېر سياحتي او زيارتي شرکتونو مسؤلينو سره د همغږۍ ناسته وکړه.
په دغه ناسته کې د سیاحتي او زیارتي شرکتونو مسؤلینو د سیاحتي او زیارتي شرکتونو د کړنو، د خلکو د زيارتي سفرونو د تنظيم او د دغو شرکتونو د چارو پر وړاندې د ستونزو او وړاندیزونو یادونه وکړه.
د ناستې په ترڅ کې مولوي ذبيح اللّه نوراني د مسؤلینو څرګندونې واورېدې او ويې ويل: هڅه کوو، چې په ننګرهار کې د سیاحتي شرکتونو لپاره د خدمت لاښه زمینه برابره کړو، ښاغلي نوراني زياته کړه، چې د اطلاعاتو او کلتور رياست په پام کې لري، چې د ګرځندوی او زيارتي سکتور د پياوړتيا لپاره د شرکتونو له مسؤلينو سره دوامداره همغږي وساتي، څو خلکو ته په دغه برخه کې د لا ښه خدمت زمينه برابره شي.
۱۴۴۷/۵/۵ هـ ق
