د "سرزمين تصوير" په نامه د انځورګری د آثارو نندارتون پرانیستل شو
د ملي نګارستان مسوولې صابرې رحماني نن د "سرزمين تصوير" په نامه د انځورګرى د آثارو نندارتون پرانيست.
د باختر آژانس خبريال د خبرله مخې: په نندارتون کې د هېواد د يوه تن انځورګر ٢١ انځور شوي آثار نندارې ته وړاندې شوي دي.
د ملي نګارستان مسوولې د نندارتون د پرانيستلو په وخت کې انځور شويو آثارو په باب معلومات ورکړل او ويې ويل چې په انځورونوکې د هېواد طبيعي منظرې د اوبو په رنګ تصوير شوې دي.
هغې دغه راز هنر او هنرمندانو په خانګړي توګه د انځورګرى هنر ته پاملرنه ضروري وبلله او د دغه شان نندارتونونو د جوړولو په برخه کې يې د ملي نګارستان همکارۍ څرګنده کړه.
دغه راز په دغو مراسمو کې يو شمېر نورو ويناوالو په ټولنه کې د هنرمندان د رول په باب معلومات ورکړل او په بېلابېلو برخوکې يې هنر او هنرمندانو ته د حکومت د مشرتابه د زياتې پاملرنې غوښتنه وکړه.
وروسته د ملي نګارستان مسوولې د "سرزمين تصوير" د انځورګرى د آثارو نندارتون پرانيست او ګډون کوونکو هغه وکوت.
