د رسنیزې او رواني جګړې په اړه علمي کنفرانس ترسره شو

تخار کې د اطلاعاتو او کلتور ریاست د ( د افغانستان پر وړاندې د رسنیزې او رواني جګړې ارزونې) په نامه یو ورځنی علمي کنفرانس د عامه کتابتون په تالار کې ترسره شو، چې پکې ګڼ شمېر علمای کرامو، خبریالانو، ځوانانو او فرهنګیانو برخه اخیستې وه. 
د اطلاعاتو او کلتور ریاست مسؤلینو د افغانستان پر وړاندې رواني او رسنیزه جګړه له تر ټولو چوپو او خاموشو جګړو څخه وبلله او ویې ویل: مغرضې رسنۍ د دې جګړې په لومړیو کرښو کې واقع دي، مسؤلینو له خبریالانو څخه وغوښتل، چې د صداقت او امانتدارۍ اصول رعایت کړي او د ټولنې واقعي انځور وړاندې کړي. 
دغه راز یو شمېر علمای کرامو او رسنیزو مسؤلینو په اسلام کې د رسنیو او مطبوعاتو پر ارزښت خبرې وکړې او له خبریالانو او ځوانانو څخه یې وغوښتل، چې د دښمن د منفي تبلیغاتو پر وړاندې بیداره واوسي او د اسلامي نظام په پیاوړتیا کې پوره همکاري وکړي.

۱۴۴۷/۷/۲۳ هـ ق