د خبریالانو سره د همغږۍ ناسته ترسره شوه

تېره ورځ د کندهار ولايت په اطلاعاتو او کلتور رياست کې د خبریالانو سره د همغږۍ ناسته تر سره شوه، چې پکې د افغانستان اسلامي امارت محترم ویاند مولوي ذبیح الله مجاهد په ګډون يو شمېر نورو اداري مسؤلينو هم شتون درلود.
په پيل کې د ا.ا.ا. ویاند ښاغلي مجاهد خبریالانو ته په وینا کې وویل: د ا.ا.ا. مو بشپړ ملاتړ کوي، په ډاډه زړه خپلو چارو ته دوام ورکړئ، هغه څه ته خبري پوښښ ورکړئ، چې حقیقت وي، پروپاګند او د حقیقت څخه لرې خبرونه مه خپروئ، اسلامي، ملي او کلتوري ارزښتونه په پام کي ونیسئ، له نيکه مرغه دا کار تر ډېره حده شوی دی.
ورپسې د اطلاعاتو او کلتور رئیس ښاغلي سمنګاني په خپلو خبرو کې خبریالانو ته ډاډ ورکړ، چې ستونزو ته به يې حل لارې لټوي، کوښښ به دا وي، چې خبريالانو ته په کاري ماحول کې ډېرې آسانتياوې برابرې شي.
ښاغلي سمنګاني له خبریالانو وغوښتل، چې د دولتي غونډو او پرمختیايي پروژو د خبري پوښښ په برخه کې بشپړه همکاري وکړي.
د غونډې په پای کې خبریالانو مننه وکړه، چې له دوی سره د همغږۍ ناستې جوړیږي او ويې ویل: چې ډېرې ستونزې مو حل شوې او هيله ده چې په دې برخه کې به نور پرمختګونه هم رامنځته شي.

۱۴۴۵/۱/۲۲ هـ ق
۱۴۰۲/۵/۱۷ هـ ش