د اطلاعاتو او کلتور وزارت د ګرځندوی مالي او اداري چارو معین د پنجشېر له والي صاحب سره وکتل
د اطلاعاتو او کلتور وزارت د محترم وزیر ملا خیرالله خیرخواه د حکم پر اساس د دغه وزارت اړوند د عامه کتابخانې د تعمیر او ځمکې د څارنې په موخه د ګرځندوی مالي او اداري چارو معین ښاغلي ملا سعدالدین سعید په مشرۍ یو پلاوی ټاکل شوی، چې د تیرې پنجشنبې په ورځ یې د پنجشېر ولایت له محترم والي صاحب او د اړونده ادارو له مسؤلينو سره وکتل.
د دغه کتابتون ساختمان په (٢٠٨٨) متره مربع مساحت کې د (۲۳) مليونو افغانيو په ارزښت د اطلاعاتو او کلتور وزارت په مالي لګښت جوړ شوی دی، چې دغه تعمير پخوا د کرونا ویروس د مثبتو ناروغانو د درملنې په موخه په موقتي توګه د پنجشیر ولایت د مقام د ١٣٩٩/١/١٩ نېټه (۱۵۵) ګڼې د حکم پر بنسټ د پنجشیر ولایت د عامې روغتیا ریاست ته سپارل شوی و، اوسمهال په یاده سیمه کې د ملي دفاع وزارت لخوا نظامي لیوا جوړه شوې ده، چې د عامه کتابتون د تعمير څخه د نظامي روغتون په توګه استفاده کېږي.
١٤٤٤٥/١/٣ هـ ق
۱۴۰۲/۴/۲۹ هـ ق
