د اطلاعاتو او کلتور رئيس له آی خانم ښارګوټي څخه لیدنه وکړه
د تخار ولایت د اطلاعات او کلتور رئیس ذبيح الله انصاري د آی خانم له تاریخي ښارګوټي لیدنه وکړه.
نوموړي وويل: دا تاریخي ښارګوټی له ۲۵۰۰ کالو څخه زیات لرغونتوب لري او د تخار ولایت د دشت قلعه په ولسوالۍ کې پروت دی، چې له تاجکستان سره ګډه پوله لري.
هغه وویل: دا لرغونی ښار د یونسکو له خوا د تاریخي لرغونتوب لرونکي مشهور ښار په توګه ثبت شوی دی، دغه تاریخي ښار د یونانیانو په دوره کې جوړ شوی، په تېرو حکومتونو کې یې ځینې برخې ویجاړې شوي دي، خو لا هم په دې ځای کې تاریخي آثار لیدل کېږي.
د اطلاعات او کلتور رئیس د دشت قلعه ولسوالۍ له خلکو وغوښتل، چې د آی خانم تاریخي ښارګوټي په ساتنه او خوندي کولو کې له اطلاعات او کلتور ریاست سره همکاري وکړي او ددې تاریخي ښارګوټي ساتنه وکړي.
۱۴۴۶/۵/۲۴ هـ ق
۱۴۰۳/۹/۶ هـ ل
