داطلاعاتواوفرهنګ وزارت دخپرونو دچارو نوي معين وروپيژندل شو

عبدالمنان شيواشرق چې داطلاعاتواوفرهنګ وزارت  په وړانديزاو د هېواد دجمهور رييس په حکم  داطلاعاتواوفرهنګ وزارت دخپرونودچارو دمعين په توګه  ټاکل شوى دى  نن ددغه وزارت مسوولانواو کارکوونکوته وروپيژندل شو .
دباختراژانس  دخبريال دخبرله مخې ، په همدې مناسبت داطلاعاتواوفرهنګ وزارت  دسرپرستې حسينې ساپۍ ، ددغه وزارت دمشرتابه هيئت او کارکوونکو ،  دپوهنې وزارت دسرپرست ډاکټر محمد ميرويس بلخي ، دپارلمان ديوشمېر غړواو ديوشمېر دولتي بنسټونودمسوولانو په شتون داطلاعاتواوفرهنګ وزارت دمطبوعاتو دبين المللي مرکز په تالار کې يوه غونډه جوړه شوه .
  ددغې غونډې په پيل کې دجمهوري رياست دچارودادارې دلوى رياست  دفرهنګي چارو رييس  ميا ګل وثيق داطلاعاتواوفرهنګ وزارت دخپرونودچارو دمعين په توګه دعبدالمنان شيوا شرق  دټاکنې په اړوند دهېواد دجمهور رييس محمد اشرف غني حکم ولوست .
وروسته داطلاعاتواوفرهنګ وزارت سرپرستې حسينې ساپۍ  په دولتي ادارو کې ټاکنې اوبدلونونه يوه معمول  کار وباله  او ددې وزارت  دخپرونو دچارو دپخواني معين فاضل سانچارکي له کړو وړو څخه چې دخپل کار په دوره کې يې ترسره کړي دي ،   مننه او قدرداني وکړه .
هغې  شيواشرق ته دنوي پست  مبارکي وويله او ټينګار يې وکړ چې د خپلو ټولو همکارانو په مرسته  داړوندو چارودښه والي په لاره کې  هلې ځلې وکړي .
وروسته  په پارلمان کې  دبدخشان دخلکو استازي احمد ضيا يفتلي،  دخپرونو دچارو نوي معين  دزده کړې  خاوند او فرهنګي  شخصيت وباله  او ددې تر څنګ يې  چې  هغه ته  په کاري چارو کې  دبرياليتوب هيله وکړه ويې ويل  چې  هر پرمختګ او پرمختيا  ملت  په فرهنګ کې  له پرمختګ څخه  بولي .
په همدې ترتيب داطلاعاتواوفرهنګ وزارت دخپرونو دچارو معين عبدالمنان شيوا شرق په خبروکې  په دې پست کې  دخپلې ټاکنې په خاطردحکومت دمشرتابه  له اعتماد څخه مننه وکړه.
هغه ژمنه وکړه چې داطلاعاتواوفرهنګ وزارت له مشرتابه هيئت او دخپلو همکارانو په مرسته  هڅه کوي  چې اړوندې چارې په ښه توګه  ترسره کړي .
هغه  فرهنګ ته پاملرنه  او پراختيا دهېواد دودې او پرمختګ  سبب  وباله او ټينګار يې وکړ  چې دبيان دازادى ملاتړى او ژمن او درسنيو ښه همکار به وي .
کابل / دسلواغې ١٩مه / باختر