خوست اطلاعاتو او کلتور رياست کې د ويناوالۍ سيالي ترسره شوه
تېره ورځ د خوست ولايت په اطلاعاتو او کلتور رياست کې د ويناوالۍ سيالي ترسره شوه.
په دې اړه د ياد ریاست د اطلاعاتو آمر امرالله هلال وويل: د اطلاعاتو او کلتور رياست تل په هڅه کې دي چې د ځوانانو د علمي ارتقا په موخه بېلابېل پروګرامونه جوړ کړي، چې نن ورځ يې د مختلفو ښوونځيو او دیني مدرسو ترمنځ د ويناوالۍ سيالي جوړه کړه. د دې برنامې يوازينۍ موخه د ځوانانو او زده کوونکو د غوره ويناوالۍ ترڅنګ د هغوی جرأت لوړونه وبلله.
همدارنګه د ملي راډيو ټلويزيون آمر مولوي محمد نسيم فهيمي د اطلاعاتو او کلتور رياست دغه نوښت وستايه او ويي ويل: دا لومړی ځل دی چې په خوست ولايت کې د ښوونځيو او ديني مدرسو ترمنځ دا ډول سيالي برابره شوې ده. هغه پر زده کوونکو غږ وکړ چې له اوسني فرصت څخه پوره ګټه واخلي.
۱۴۴۵/۴/۲۲ هـ ق
۱۴۰۲/۸/۱۵ هـ ش
