خبرتيا

د اطلاعاتو او فرهنګ وزارت د ځوانانو چارو معينيت خبرتيا
د ځوانانو چارو معينيت د هغه تفاهم پر بنسټ چې له يوشمېرپوهنتونونو او دخصوصي لوړو او نيمه لوړو زده کړو له موسسو سره لري؛ په مياشت کې له ٢٠ څخه تر ٥٠ سلنې پورې په تخفيف سره د ځوانانو ورپېژندنه د روان کال د مني سمستر لپاره پيل کړې ده.
په دغو تحصيلي بنسټونوکې د ميوند، پيام، پېشګام، غرجستان، علامه، ابوريحان، خاتم النبيين او د غازي امان الله خان پوهنتونونه او د رازي، ازهر، قلم، افغان پامير د لوړو زده کړو موسسې او يوشمېر نورې تحصيلي موسسې شاملې دي.
مينه وال کولاى شي د نوم ليکنې او له دغو تخفيفونو څخه د ګټې اخيستنې لپاره له دووعکسونو او د تابعيت تذکرې له کاپي سره په پل باغ عمومي کې، د ځوانانو چارو معينيت د ځوانانو د مصوونيت او روزنې رياست ته ورشي.
دغه راز د زياتو معلوماتو لپاره کولاى شي دغه اېمل آدرس  ( dmya.jawanan@gmial.com) وګوري او يا هم د دې ادارې له ٠٧٤٧٠٠٨٩٠٠شمېرې سره اړيکې ونيسي.