حسينې ساپۍ د (ځوان کهول ملي ټولنه ) فعاليتونه وستايل

ehsan
شنبه ۱۳۹۸/۱۲/۱۷ - ۹:۶
حسينې ساپۍ د (ځوان کهول ملي ټولنه ) فعاليتونه وستايل

د اطلاعاتو او فرهنګ وزارت سرپرستې حسينې ساپۍ نن د ځوان کهول ملي ټولنې   له رييس سره وکتل
د باختر اژانس د خبريال د خبرله مخې، په دې کتنه کې  د ځوان کهول ملي ټولنې  رييس نور ايل کليوال د دغه بنسټ د فعاليتونو په اړوند معلومات ورکړل او  ويې ويل  چې د دغه بنسټ  مرکزي دفتر په قندهار کې دى او د هېواد په  ٢٠ ولايتونوکې فعالې نمايندګۍ  لري.
هغه د فرهنګي  پروګرامونو د جوړولو او د ملي او مناسبتې ورځو د نمانځنې  په خاطر چې د دغه بنسټ له لوري د هېواد په مرکز او ولايتونو کې جوړېږي  د ولايتونو د اطلاعاتو او فرهنګ د رياستونو له لارې د لازمواسانتياوو د برابرولو په لاره کې  د اطلاعاتو او فرهنګ له وزارت  څخه  د همکاريو  غوشتنه وکړه.
هغه وړانديز وکړ، چې د هېواد په ولايتونوکې دې  دفرهنګي شتمنيو او د تاريخي  ابداتو نندارتونونه جوړ شي او د هېواد د نورو ژبو د ودې په لاره کې  دې هڅه اوهاند وشي.
دغه راز هغه له ( ځوان کهول ملي  ټولنه ) څخه د اطلاعاتواو فرهنګ وزارت د ملاتړ غوښتنه وکړه او له دغه وزارت سره يې د دغه بنسټ  همکاري څرګنده کړه.
په همدې حال کې حسينې ساپۍ ځوانان په بېلابېلو برخو په تېره بيا په فرهنګي  برخه کې پياوړى ځواک وباله  او د دغه بنسټ  فعاليتونه يې وستايل .
د اطلاعاتو او فرهنګ وزارت سرپرستې  له  ځوان کهول ملي ټولنې  سره د دغه وزارت همکاري څرګنده کړه او ويې ويل چې په ولايتونوکې دې هم د اطلاعاتو او فرهنګ د رياستونو له لارې د فرهنګي پروګرامونو د جوړولو  په برخه کې به له دغه بنسټ سره  همکاري  وشي.
کابل /دکب ١٥مه / باختر

تازه خبرونه

دوشنبه ۱۳۹۹/۴/۲۳ - ۱۱:۴۲
Background image

د رسنيزو شکايتونو او سرغړونو د څېړنې کمېسيون ناسته جوړه شوه

د رسنيزو شکايتونو او سرغړونو د څېړنې کمېسيون نن د اطلاعاتو او فرهنګ وزارت د سرپرست محمد طاهر زهير په مشرۍ ناسته وکړه
د باختر آژانس خبريال د خبر له مخې؛ د ناستې په پيل کې د اطلاعاتو او. . .

یکشنبه ۱۳۹۹/۴/۲۲ - ۱۴:۲۵
Background image

د اصلاح ورځپاڼې مسوول مدیر دادمحمد عنابي پر مړینې د اطلاعاتو او فرهنګ وزارت مشرتابه د خواشینۍ پیغام

په ډېرې خواشینۍ مو خبر ترلاسه کړچې د اصلاح ورځپاڼې مسوول مدیر دادمحمد عنابي د ورپېښې ناروغۍ له امله نن په حق ورسېد.

دادمحمد عنابي د هېواد یو فرهنګی او ادبي شخصیت و او په فرهنګ او ادب. . .

دوشنبه ۱۳۹۹/۴/۱۶ - ۹:۴۲
Background image

د غوریانو دورې پورې اړوند د تاریخي سندونو یوه بسته ارزول کېږي


د غوریانو په دورې پورې اړوند د تاریخي سندونو د ارزونې غونډه چې ویل کېږي زرکاله لرغونتیا لري، نن د اطلاعاتو اوفرهنګ په وزارت کې جوړه شوه
د باخترآژانس خبریال د خبرله مخې، ټاکل شوې ده دغه. . .

BACK TO NEWS