حسينه ساپۍ: ملي آرشيف زموږ د هېواد د فرهنګ، تاريخ او ملي هويت څرګندوى دى

moic_admin
چهارشنبه ۱۳۹۸/۵/۱۶ - ۸:۳۸
ملي ارشيف کې د تاريخي سندونونندارتون پرانيست

د اطلاعاتو او فرهنګ وزارت سرپرستې حسينې ساپۍ نن په ملي ارشيف کې د تاريخي سندونونندارتون پرانيست.

د باختراژانس د خبريال د خبرله مخې، دغه نندارتون د اطلاعاتو او فرهنګ وزارت د يوشمېر رييسانو او ځينو مينه والو په شتون کې پرانيستل شو.

د اطلاعاتو او فرهنګ وزارت سرپرستې حسينې ساپۍ د دغه نندارتون د پرانيستلو په مراسمو کې څرګنده کړه، چې د هېواد د خپلواکۍ د بېرته ترلاسه کولو د سلمې کاليزې په مناسبت، د اطلاعاتو او فرهنګ وزارت ډول ډول فرهنګي پروګرامونه جوړ کړي دي او نن موږ د تاريخي سندونو د هغه نندارتون د پرانيستلوشاهدان يو چې د ملي ارشيف له لوري جوړ شوى دى.

د اطلاعاتو او فرهنګ وزارت سرپرستې وويل، چې ملي ارشيف په حقيقت کې د هېواد د تاريخ ملي فرهنګ اوتاريخي هويت په باب موږ ته معلومات راکوي او ټينګار يې وکړ چې د ملي ارشيف د تاريخي خزانو د ساتنې په لاره کې بايد لازياتې هڅې وشي.

وروسته د ملي ارشيف رييس محمد افسر رهبين د دغه نندارتون په باره کې معلومات وړاندې کړل او ويې ويل : ملي ارشيف د يو ملي معتبر بنسټ په توګه له زياتو کلونوراپدېخوا د دې هېواد د فرهنګ او تمدن د پيژندنې په لاره کې هڅې کړي دي څو د هېواد د دغو تاريخي خزانو مخزن په ښه توګه وساتل شي.

هغه د هغو طرحو په اړوند چې د ملي ارشيف د ښه والي په خاطر برابرې شوې دي معلومات ورکړل او ويې ويل، چې په ملي ارشيف کې څه د پاسه سل زره تاريخي سندونه او څه د پاسه اته زره تاريخي خطي نسخې شته.

په دې نندارتون کې څه د پاسه سل تاريخي سندونه او کابو سل تاريخي عکسونه نندارې ته وړاندې شوي دي چې فرمانونه، ژمن ليکونه ، تړونونه، نظام نامې او تاريخي عکسونه چې زياتره يې د شاه امان الله خان په دوران پورې اړه لري نندارې ته وړاندې شوي دي.

په ملي ارشيف کې دغه نندارتون د دوو نورو ورځو لپاره هم په وړيا ډول د مينه والو پرمخ پرانستى دى.

تازه خبرونه

جمعه ۱۳۹۸/۶/۱ - ۱۱:۴۷
Background image

د ببرک ارغند د مړینې له امله د اطلاعاتو او فرهنګ وزارت د خواشینۍ او ډاډګیرنې پیغام

د ببرک ارغند د مړینې له امله د اطلاعاتو او فرهنګ وزارت د خواشینۍ او ډاډګیرنې پیغام
په ډېرې خواشینۍ مو خبر تر لاسه کړ چې د افغانستان یو نامتو لیکوال اوفرهنګي شخصیت ببرک ارغند له دې فاني. . .

چهارشنبه ۱۳۹۸/۵/۳۰ - ۱۳:۲۱
Background image

محمد اجمل شاهپور: د خپلواکۍ ځوان سفيران په ټولنه کې د سولې رښتيني ممثلان دي

د اطلاعاتو اوفرهنګ وزارت د ځوانانو چارو معين محمد اجمل شاهپور نن د خپلواکۍ  له يوشمېرځوانو سفيرانو سره په کابل کې وکتل.
د باختر آژانس خبريال د خبرله مخې: په دې کتنه کې د خپلواکۍ ځوان. . .

یکشنبه ۱۳۹۸/۵/۲۷ - ۱۱:۱۱
Background image

حسينې ساپۍ په ټولنه کې د هنر او هنرمندانو رول ارزښتناک وباله

د اطلاعاتو اوفرهنګ وزارت سرپرستې حسينې ساپۍ نن په ملي هنرستان کې د هنري اثارو نندارتون پرانيست.
د باختر آژانس خبريال د خبرله مخې، دغه  نندارتون د ملي هنرستان رياست له لوري د هېواد د. . .

BACK TO NEWS