تخار کې د رسنيو له مسؤلينو او خبريالانو سره ناسته وشوه
د تخار ولايت د اطلاعاتو او کلتور رياست مسؤلينو د رسنيو له مسؤلينو او خبريالانو سره د ياد رياست د رئيس مولوي ذبيح الله انصاري په مشرۍ، د خبريالانو د اتحاديې د رئيس سید منیر هدف، د رسنيو د مسؤلينو او خبريالانو په شتون کې د همغږۍ ناسته وکړه.
د اطلاعاتو او کلتور رئيس مولوي ذبيح الله انصاري وويل: خبريالان د ټولنې او دولت د سترګو او ژبې حیثیت لري، د عامه افکارو په روښانولو کې مهم رول لري، د رسنيو مسؤلين او خبريالان په خپلو مثبتووړانديزونو او انتقادونو دولتي مسؤلين خپلو کارونو ته متوجه کوي او د بهترين فعاليت په طرف يې سوق کوي، نوموړي له خبريالانو وغوښتل چې د اسلامي امارت د پاليسۍ سره سم خپل فعاليتونه ترسره کړي.
ورپسې د خبريالانو د اتحاديې رئيس سید منير هدف او د رسنيو مسؤلينو خپلې ستونزې شريکې کړې، چې د اطلاعاتو او کلتور رياست د مسؤلينو له لوري يې د حل کولو ډاډ ورکړل شو.
۱۴۰۳/۵/۱۰ هـ ل
۲۰۲۴/۷/۳۱ میلادي
