بدخشان کې ۵۰۰ کلنه لرغونې مغاره کشف شوه
د بدخشان ولایت د اطلاعاتو او کلتور ریاست مسؤلین وايي: چې خاش ولسوالۍ کې یو لرغونې مغاره کشف شوه، چې له پنځو پیړیو څخه زیاته تاريخي مخینه لري.
د فرهنګ او هنر آمر، چې د تاریخي اثارو د څېړنې په موخه د یو پلاوي په مشرۍ خاش ولسوالۍ ته سفر کړی و، وویل: دا مغاره د کج ګردن په سیمه کې هغه وخت وموندل شوه، چې د سیمې اوسېدونکو د یوې خاورینې تپې کیندنه کوله، ترڅو له خاورې څخه یې د کورونو جوړولو د موادو په توګه استفاده وکړي.
د فرهنګ او هنر د آمر په وینا لومړنۍ څېړنې ښیي، چې دا مغاره د اسلام له راتګ مخکنيو دورو پورې تړاو لري، ښایي د زردشتي مذهب د عصر څخه وي.
د بدخشان د اطلاعاتو او کلتور ریاست د يادې مغارې په اړه د اطلاعاتو او کلتور وزارت د لرغون پیژندنې ریاست ته معلومات ورکړي دي، ترڅو یو مسلکي ټیم او عصري وسایلو په مرسته د دې مغارې د تاریخي ارزښت او لرغونتوب په اړه کره څېړنه وشي او د هېواد د لرغونو ساحو په لېست کې شامل شي، تر دې مهاله له دې مغارې څخه د سفالي (خټینو) لوښو ټوټې او د ډبرینو شمع دانيو ټوتې موندل شوي دي، چې په اړه يې علمي څیړنې لا هم دوام لري.
د یادونې وړ ده، چې دغه مغاره بدخشان کې د تازه موندل شویو لرغونو اثارو له ډلې څخه شمېرل کیږي، چې کولای شي د دې سیمې د لرغونو تمدنونو په پېژندنه کې مهم رول ولوبوي.
۱۴۴۷/۴/۱۳ هـ ق
