بادغيس کې د رسنيو له مسؤلينو او خبريالانو سره د همغږۍ ناسته وشوه
دوشنبه (۲۷ د شوال المکرم ۱۴۴۵) د بادغيس ولايت د اطلاعاتو او فرهنګ رياست له لوري د رسنيو له مسؤلينو او خبريالانو سره د همغږۍ غونډه د ياد رياست د رئيس مولوي مطيع الله متقي مشرۍ ترسره شوه.
د اطلاعاتو او فرهنګ رئيس مولوي مطيع الله متقي د خپلو خبرو په ترڅ کې رسنۍ د ملت او دولت ترمنځ د واقعي ترجمان په حیث وبللې او زياته يې کړه؛ رسنۍ او خبريالان د خلکو او دولت ترمنځ د اړيکو پل دی، چې فاصلې له منځه وړي او افکار سره تبادله کوي، ښاغلي متقي د دوی څخه وغوښتل چې د ا.ا.ا. له اصولو سره سم فعاليتونه ترسره کړي.
د رسنيو مسؤلينو او خبريالانو هم د خپلې ستونزې او د کاري چاپيريال د ښه والي په موخه وړانديزونه او نظريات شريک کړل.
۱۴۰۳/۲/۱۷ هـ ل
۲۰۲۴/۵/۶ میلادي
