اروزګان کې سلګونه ځوانانو ته د وړیا زده کړو زمینه برابره شوې ده
د اروزګان ولایت د اطلاعاتو او کلتور ریاست اړوند د ځوانانو چارو امریت له لوري ۷۰۰ تنو زده کوونکو ته په بېلابېلو برخو کې د وړیا زده کړو زمینه برابره شوه.
د اطلاعاتو او کلتور ریاست د ځوانانو چارو آمر په وینا؛ دا مهال د ځوانانو چارو آمریت اړوند وړیا ښوونیز مرکز کې ۷۰۰ تنو زده کوونکو ته د دیني زده کړو، کمپیوټر پروګرامونو، انګلیسي ژبې او ریاضي زده کړو په برخو کې په وړیا ډول زمینه برابره شوې ده او هڅه کېږي چې یاد ښوونیز مرکز لا معیاري او پراخ شي.
دغه راز زده کوونکو د وړیا زده کړو له زمینې برابرولو څخه خوښي څرګنده کړه او ویې ویل: یاد مرکز کې زده کړې په ښه ډول ترسره کیږي، زده کوونکو له نورو ځوانانو هم وغوښتل، چې له شته فرصت څخه ګټه واخلي او خپل علمي ظرفیتونه لوړ کړي.
۱۴۴۷/۷/۲ هـ ق
