محمد طاهر زهير د اطلاعاتواوفرهنګ وزارت د تشکيل پرتدريجي او فرهنګ محورى سمون ټينګاروکړ

ehsan
Sun, Jul 26 2020 9:50 AM
محمد طاهر زهير د اطلاعاتواوفرهنګ وزارت د تشکيل پرتدريجي او فرهنګ محورى سمون ټينګاروکړ


د اطلاعاتواوفرهنګ دوزارت سرپرست محمد طاهر زهير په ګډون نن په دغه وزارت کې د دندو بيا کتنې، بدلونونو ، تشکيلاتي جوړښت اواصلاحاتو د څرنګوالي په باب غونډه جوړه شوه .
د باختراژانس  خبريال د خبرله مخې؛ د اطلاعاتواوفرهنګ وزارت سرپرست محمد طاهر زهير په دې غونډه کې  چې د دغه وزارت  معينان اود بېلابېلو برخو رييسان او آمران او د اداري اصلاحاتواود ملکي خدمتونو د خپلواک کمېسيون  د تشکيلاتو  د اصلاح رييسې  هم ګډون کړي و ، خبرې وکړې اود چارو د ښه والي په لاره کې يې  د تشکيل بيا کتنه اواصلاح، د اطلاعاتواوفرهنګ وزارت يوه اړتياوبلله .
هغه ټينګاروکړ چې د اطلاعاتواوفرهنګ وزارت اصلاحاتو ته اړتيا لري،  خو پړاوپه پړاو نه يوځل.
د اطلاعاتواوفرهنګ وزارت سرپرست  څرګنده کړه، چې اصلاحات بايد د ادارې د اړتياوو له په پام کې نيولو سره په دقت، پاملرنې اوجديت ترسره شي چې  د چارود ښه والي لپاره  زمينه برابره شي او د دغه وزارت بېلابېلې څانګې د عايداتي کېدو په لور لاړې شي .
محمد طاهر زهير زياته کړه  چې د اطلاعاتواوفرهنګ وزارت د اداري اصلاحاتو او ملکي خدمتونو کمېسيون له استازيو سره د تشکيل د اصلاح په لاره کې همکارۍ ته چمتو دى .
دغه راز په غونډه کې  د اداري اصلاحاتواوملکي خدمتونو د خپلواک کمېسيون  د تشکيل د اصلاح رياست کارپوه عبدالحسيب مسعودي  په مسلکي خدمتونوکې دندوته د بيا کتنې داړتيا اوپړاوونومعلومات ورکړل .
وروسته د اداري اصلاحاتواوملکي خدمتونود خپلواک کمېسيون د تشکيلاتو د اصلاح رييسې نظيفې جامي د تشکيلاتو اود تشکيلاتو د بېا کتنې په باب  د اطلاعاتواوفرهنګ وزارت د بېلابېلوبرخو د رييسانو اوآمرانوپوښتنو ته ځوابونه وړاندې کړل .
هغې ټينګاروکړ چې د تشکيل اصلاح به د اطلاعاتواوفرهنګ وزارت د مشرتابه، د اړوندو برخو له مسوولينواود مسلکي برخو له ماهرانوسره په سلامشورو کې ترسره شي .
د اطلاعاتواوفرهنګ وزارت د بشري سرچينورييس احمدضيا انوري د باختراژانس خبريال ته وويل چې د اطلاعاتو اوفرهنګ وزارت د تشکيل د اصلاح په مقصد بياکتنه د اداري اصلاحاتو اود ملکي خدمتونو د خپلواک کمېسيون د تشکيلاتود اصلاح له رياست څخه د درې کسيزپلاوي په همکارۍ پيل شوې ده او له دوو څخه تر دريو مياشتو پورې به وخت ونيسي .
هغه زياته کړه چې په لومړي پړاوکې به  د ١٣٩٩ تشکيل په لږ بدلون سره اصلاح شي او  له دې سره جوخت  د دغه وزارت تشکيل ته د عمومي بياکتنې پړاو هم پيلېږي.  کابل/ دزمري٤مه /باختر:

Latest news

Wed, Aug 05 2020 3:06 PM
Background image

LPP Should Become a Great Source of Income: Minister Zuhair

In the meeting of the high Council of Liberty Printing Press (LPP), which was held yesterday under the chairmanship of Mohammad Tahir Zuhair, Acting Minister of Information and Culture,. . .

Wed, Jul 29 2020 9:01 AM
Background image

LPP Should Become a Great Source of Income: Minister Zuhair

In the meeting of the high Council of Liberty Printing Press (LPP), which was held yesterday under the chairmanship of Mohammad Tahir Zuhair, Acting Minister of Information and Culture,. . .

Wed, Jul 22 2020 11:33 AM
Background image

President Ghani Hands Over Ghorian’s Collection of Historical Documents to National Archives

The President of the Islamic Republic of Afghanistan, Mohammad Ashraf Ghani, on Saturday evening attended and delivered a speech at the ceremony of handing over the collection of. . .

BACK TO NEWS