محمد طاهر زهير د اطلاعاتواوفرهنګ وزارت د تشکيل پرتدريجي او فرهنګ محورى سمون ټينګاروکړ

ehsan
یکشنبه ۱۳۹۹/۵/۵ - ۹:۵۰
محمد طاهر زهير د اطلاعاتواوفرهنګ وزارت د تشکيل پرتدريجي او فرهنګ محورى سمون ټينګاروکړ


د اطلاعاتواوفرهنګ دوزارت سرپرست محمد طاهر زهير په ګډون نن په دغه وزارت کې د دندو بيا کتنې، بدلونونو ، تشکيلاتي جوړښت اواصلاحاتو د څرنګوالي په باب غونډه جوړه شوه .
د باختراژانس  خبريال د خبرله مخې؛ د اطلاعاتواوفرهنګ وزارت سرپرست محمد طاهر زهير په دې غونډه کې  چې د دغه وزارت  معينان اود بېلابېلو برخو رييسان او آمران او د اداري اصلاحاتواود ملکي خدمتونو د خپلواک کمېسيون  د تشکيلاتو  د اصلاح رييسې  هم ګډون کړي و ، خبرې وکړې اود چارو د ښه والي په لاره کې يې  د تشکيل بيا کتنه اواصلاح، د اطلاعاتواوفرهنګ وزارت يوه اړتياوبلله .
هغه ټينګاروکړ چې د اطلاعاتواوفرهنګ وزارت اصلاحاتو ته اړتيا لري،  خو پړاوپه پړاو نه يوځل.
د اطلاعاتواوفرهنګ وزارت سرپرست  څرګنده کړه، چې اصلاحات بايد د ادارې د اړتياوو له په پام کې نيولو سره په دقت، پاملرنې اوجديت ترسره شي چې  د چارود ښه والي لپاره  زمينه برابره شي او د دغه وزارت بېلابېلې څانګې د عايداتي کېدو په لور لاړې شي .
محمد طاهر زهير زياته کړه  چې د اطلاعاتواوفرهنګ وزارت د اداري اصلاحاتو او ملکي خدمتونو کمېسيون له استازيو سره د تشکيل د اصلاح په لاره کې همکارۍ ته چمتو دى .
دغه راز په غونډه کې  د اداري اصلاحاتواوملکي خدمتونو د خپلواک کمېسيون  د تشکيل د اصلاح رياست کارپوه عبدالحسيب مسعودي  په مسلکي خدمتونوکې دندوته د بيا کتنې داړتيا اوپړاوونومعلومات ورکړل .
وروسته د اداري اصلاحاتواوملکي خدمتونود خپلواک کمېسيون د تشکيلاتو د اصلاح رييسې نظيفې جامي د تشکيلاتو اود تشکيلاتو د بېا کتنې په باب  د اطلاعاتواوفرهنګ وزارت د بېلابېلوبرخو د رييسانو اوآمرانوپوښتنو ته ځوابونه وړاندې کړل .
هغې ټينګاروکړ چې د تشکيل اصلاح به د اطلاعاتواوفرهنګ وزارت د مشرتابه، د اړوندو برخو له مسوولينواود مسلکي برخو له ماهرانوسره په سلامشورو کې ترسره شي .
د اطلاعاتواوفرهنګ وزارت د بشري سرچينورييس احمدضيا انوري د باختراژانس خبريال ته وويل چې د اطلاعاتو اوفرهنګ وزارت د تشکيل د اصلاح په مقصد بياکتنه د اداري اصلاحاتو اود ملکي خدمتونو د خپلواک کمېسيون د تشکيلاتود اصلاح له رياست څخه د درې کسيزپلاوي په همکارۍ پيل شوې ده او له دوو څخه تر دريو مياشتو پورې به وخت ونيسي .
هغه زياته کړه چې په لومړي پړاوکې به  د ١٣٩٩ تشکيل په لږ بدلون سره اصلاح شي او  له دې سره جوخت  د دغه وزارت تشکيل ته د عمومي بياکتنې پړاو هم پيلېږي.  کابل/ دزمري٤مه /باختر:

تازه ترین اخبار

دوشنبه ۱۳۹۹/۵/۲۰ - ۸:۵۴
Background image

محمد طاهرزهیر: باغ تاریخی علم گنج پس از بازسازی، بیشترین کاربرد فرهنگی خواهد داشت

محمد طاهرزهیر سرپرست و نامزد وزیر وزارت اطلاعات وفرهنگ امروز در دیدار از جریان کار ترمیم و بازساری باغ تاریخی علم گنج ( ماشین خانۀ کابل ) خاطرنشان کرد که این محل منحصر به فرد، بعد از. . .

پنجشنبه ۱۳۹۹/۵/۱۶ - ۹:۲۰
Background image

محمد طاهر زهیر بر آغاز دوبارۀ کار بازسازی کابل ننداری به عنوان نهاد نام آشنای فرهنگی و هنری کشور تاکید کرد


محمد طاهرزهیر سرپرست و نامزد وزیر وزارت اطلاعات و فرهنگ امروز هنگام دیدار از بخش های مختلف ریاست های گرځندوی، تیاتر ملی، کابل ننداری و موسیقی، هدایت داد که کار بازسازی کابل ننداری به. . .

چهارشنبه ۱۳۹۹/۵/۱۵ - ۱۵:۴
Background image

وزارت اطلاعات و فرهنگ سمینار علمی خان عبدالغفار خان را به سطح منطقه برگزار می کند


جلسۀ برگزاری سمینار علمی  خان عبدالغفار خان امروز به ریاست محمد طاهر زهیر سرپرست وزارت اطلاعات و فرهنگ به اشتراک معینان امور نشرات، مالی و اداری و نمایندگان اکادمی علوم امروز برگزار شد. . .

BACK TO NEWS