د اطلاعاتو او کلتور وزارت پلاوي پنجشیر ولایت ته سفر وکړ
تېره ورځ د اطلاعاتو او کلتور وزارت پلاوي پنجشیر ولایت ته د نبوي سیرت سیالۍ، جوړولو په موخه سفر وکړ. په یاد پلاوي کې د بیهقي کتاب خپرولو ریاست رئیس مولوي عبدالعلیم ځانواک مفتي زاده او مولوي محمد یحیی صلاح د اطلاعاتو او کلتور وزارت د خصوصي خپرونو مسؤل شامل وو.
دوی د پنجشېر ولايت د اطلاعاتو او کلتور رئيس مولانا نصرالله ملک زاده په شتون کې د یاد ولایت له والي الحاج حافظ محمد آغا حکيم سره په کتنه کې دوی ته، د نبوي سیرت د سیالۍ جوړولو په اړه معلومات ورکړل.
ښاغلي صلاح په یاده ناسته کې د نبوي سیرت د سیالۍ موخه، د ځوانانو د پوهې کچه لوړول او د مطالعې کلتور ته وده ورکول وبلله.
ورپسې ښاغلي ملک زاده دوی ته د یادې سیالۍ په ترسره کولو کې بشپړ ډاډ ورکړ.
۱۴۴۵/۲/۱۸ هـ ق
۱۴۰۲/۶/۱۳ هـ ش
