عبدالمنان شېوای شرق: په افغانستان کې د خبريالانو او بيان آزادى پر وړاندې ګواښ جنايت دى

farzad_moicgovaf
Mon, May 03 2021 11:55 AM
عبدالمنان شېوای شرق: په افغانستان کې د خبريالانو او بيان آزادى پر وړاندې ګواښ جنايت دى

د اطلاعاتو او فرهنګ وزارت د خپرونو چارو معين عبدالمنان شېوای شرق نن په يوه خبري غونډه کې د خبريالانو پر خلاف د تاوتريخوالي دوسيو د څېړنې په اړه معلومات ورکړل او له رسنيو څخه يې وغوښتل چې د خپل فعاليت جواز تمديد کړي.
د باختر آژانس خبريال د خبر له مخې؛ په دې خبري غونډه کې چې د يوشمېر رسنيزو بنسټونو د مسوولينو او استازو په ګډون جوړه شوه؛ د اطلاعاتو او فرهنګ وزارت د خپرونو چارو معين په خپلو خبرو کې د مطبوعاتو د آزادۍ نړيواله ورځ د هېواد ټولو خبريالانو او د رسنيو کارکوونکو ته مبارکي وويله او د هېواد د بيان او مطبوعاتو آزادي یې د هېواد د رسنیو د کورنۍ پوروړۍ وبلله.
د اطلاعاتو او فرهنګ وزارت د خپرونو چارو معين څرګنده کړه چې ١٠٧۴ رسنۍ له کلونو راپدېخوا خپل ماليات نه دي تصفيه کړي او خپل جوازونه يې نه دي تمديد کړي.
هغه د دغو رسنيو له خاوندانو وغوښتل چې د خپلو فعاليتونو پر بیا پيل او د مالياتو پر تصفيه کولو ډېر ژر اقدام وکړي.
په همدې ترتيب عبدالمنان شېوای شرق د رسنیزو دوسيو د څېړنې په اړه د رسنيو او حکومت د ګډې کمېټې او د اطلاعاتو او فرهنګ وزارت د کارونو او پاملرنې په اړه معلومات ورکړل او ويې ويل چې د طالبانو له واکمنۍ وروسته تراوسه د رسنیو ١٣٢ دوسيې څېړل شوې دي.
هغه څرګنده کړه چې له ١٣٩٨ څخه تر ١٣٩٩ کال پورې عدلي او قضايي بنسټونو د رسنیو ٢٧ دوسيې څېړلې دي او رپوټ يې خپور کړى دى.
همدارنګه د اطلاعاتو او فرهنګ وزارت د خپرونو چارو معين په رسنيزو بنسټونو کې د خبريالانو د حقوقي او مدني دوسيو د نه څېړنې يادونه وکړه او ويې ويل چې په تېرو کلونو کې رسنیزو بنسټونو د خپلو خبريالانو او کارکوونکو حقونو ته لږه پاملرنه کړې ده.
شېوای شرق د هېواد د امنيتي ځواکونو او د ملي او نړيوالو بنسټونو په همکارۍ د رسنيو پرخلاف د تاوتريخوالي د مخنيوي او دغه راز د سولې په خبرو کې د رسنیزې ټولنې د استازي د ګډون په خاطر د اطلاعاتو او فرهنګ وزارت د عدالت غوښتنې په اړه معلومات ورکړل.
هغه څرګنده کړه چې د رسانه يي او خبريالانو د ترور مخه بايد ونيول شي او په افغانستان کې د خبريالانو او د بيان آزادۍ پر وړاندې ګواښ جنايت دى.
په همدې ترتيب د اطلاعاتو او فرهنګ وزارت د خپرونو چارو معين د خبريالانو د ملاتړ صندوق په اړه معلومات ورکړل او ويې ويل چې د دغه صندوق په پيسو مزې چړچې شوې دي.
هغه ټينګار وکړ چې د خبريالانو د ملاتړ صندوق به په نوي جوړښت سره په راتلونکې کې په فعاليت پيل وکړي او له هغو کسانو سره به چې د دغه صندوق له پيسو څخه يې شخصي استفاده کړې ده؛ قانوني چلند وشي.

کابل/ د غويي ١۳ مه/ باختر

تازه ترین اخبار

Mon, Jul 12 2021 5:07 PM
Background image

Wafayezada, AKDN Ambassador Discuss Cultural Cooperation

Minister of Information and Culture, Dr. Mohammad Qasim Wafayezada met with the Agha Khan Development Network (AKDN) ambassador for Afghanistan, Sheherazade Hirji at his office, Bakhtar. . .

Thu, Jul 08 2021 4:59 PM
Background image

Hakimi, Turkmen Ambassador Discuss Enhancing Tourism Cooperation

The Deputy Minister of Tourism, Admin and Finance of the Ministry of Information and Culture, Abdul Bashir Hakimi, met Khoja Ovezov, Ambassador of Turkmenistan to Kabul on Tuesday, and. . .

Wed, Jul 07 2021 12:50 PM
Background image

No Freedom of Expression Without a Democratic System, Wafayezada

The Acting Minister of Information and Culture Dr. Mohammad Qasim Wafayezada said that freedom of expression and free media activity was not possible without a democratic system,. . .

BACK TO NEWS