عبدالمنان شېوای شرق: په افغانستان کې د خبريالانو او بيان آزادى پر وړاندې ګواښ جنايت دى

farzad_moicgovaf
دوشنبه ۱۴۰۰/۲/۱۳ - ۱۱:۵۵
عبدالمنان شېوای شرق: په افغانستان کې د خبريالانو او بيان آزادى پر وړاندې ګواښ جنايت دى

د اطلاعاتو او فرهنګ وزارت د خپرونو چارو معين عبدالمنان شېوای شرق نن په يوه خبري غونډه کې د خبريالانو پر خلاف د تاوتريخوالي دوسيو د څېړنې په اړه معلومات ورکړل او له رسنيو څخه يې وغوښتل چې د خپل فعاليت جواز تمديد کړي.
د باختر آژانس خبريال د خبر له مخې؛ په دې خبري غونډه کې چې د يوشمېر رسنيزو بنسټونو د مسوولينو او استازو په ګډون جوړه شوه؛ د اطلاعاتو او فرهنګ وزارت د خپرونو چارو معين په خپلو خبرو کې د مطبوعاتو د آزادۍ نړيواله ورځ د هېواد ټولو خبريالانو او د رسنيو کارکوونکو ته مبارکي وويله او د هېواد د بيان او مطبوعاتو آزادي یې د هېواد د رسنیو د کورنۍ پوروړۍ وبلله.
د اطلاعاتو او فرهنګ وزارت د خپرونو چارو معين څرګنده کړه چې ١٠٧۴ رسنۍ له کلونو راپدېخوا خپل ماليات نه دي تصفيه کړي او خپل جوازونه يې نه دي تمديد کړي.
هغه د دغو رسنيو له خاوندانو وغوښتل چې د خپلو فعاليتونو پر بیا پيل او د مالياتو پر تصفيه کولو ډېر ژر اقدام وکړي.
په همدې ترتيب عبدالمنان شېوای شرق د رسنیزو دوسيو د څېړنې په اړه د رسنيو او حکومت د ګډې کمېټې او د اطلاعاتو او فرهنګ وزارت د کارونو او پاملرنې په اړه معلومات ورکړل او ويې ويل چې د طالبانو له واکمنۍ وروسته تراوسه د رسنیو ١٣٢ دوسيې څېړل شوې دي.
هغه څرګنده کړه چې له ١٣٩٨ څخه تر ١٣٩٩ کال پورې عدلي او قضايي بنسټونو د رسنیو ٢٧ دوسيې څېړلې دي او رپوټ يې خپور کړى دى.
همدارنګه د اطلاعاتو او فرهنګ وزارت د خپرونو چارو معين په رسنيزو بنسټونو کې د خبريالانو د حقوقي او مدني دوسيو د نه څېړنې يادونه وکړه او ويې ويل چې په تېرو کلونو کې رسنیزو بنسټونو د خپلو خبريالانو او کارکوونکو حقونو ته لږه پاملرنه کړې ده.
شېوای شرق د هېواد د امنيتي ځواکونو او د ملي او نړيوالو بنسټونو په همکارۍ د رسنيو پرخلاف د تاوتريخوالي د مخنيوي او دغه راز د سولې په خبرو کې د رسنیزې ټولنې د استازي د ګډون په خاطر د اطلاعاتو او فرهنګ وزارت د عدالت غوښتنې په اړه معلومات ورکړل.
هغه څرګنده کړه چې د رسانه يي او خبريالانو د ترور مخه بايد ونيول شي او په افغانستان کې د خبريالانو او د بيان آزادۍ پر وړاندې ګواښ جنايت دى.
په همدې ترتيب د اطلاعاتو او فرهنګ وزارت د خپرونو چارو معين د خبريالانو د ملاتړ صندوق په اړه معلومات ورکړل او ويې ويل چې د دغه صندوق په پيسو مزې چړچې شوې دي.
هغه ټينګار وکړ چې د خبريالانو د ملاتړ صندوق به په نوي جوړښت سره په راتلونکې کې په فعاليت پيل وکړي او له هغو کسانو سره به چې د دغه صندوق له پيسو څخه يې شخصي استفاده کړې ده؛ قانوني چلند وشي.

کابل/ د غويي ١۳ مه/ باختر

تازه ترین اخبار

یکشنبه ۱۴۰۰/۵/۱۰ - ۱۱:۱۵
Background image

کیهان هنرمند هنر تجسمی در بدخشان خواستار کمک است

احمد فرهاد کیهان رییس کار گاه آموزشی کیهان می گوید که در تلاش است بدخشان را از نگاه زیبایی فرهنگی به یکی از شهر های نمونه کشور مبدل کند .

احمد فرهاد کیهان رییس کارگاه آموزشی کیهان. . .

شنبه ۱۴۰۰/۵/۹ - ۱۵:۲۱
Background image

یک سال از جاودانگی سلیمان لایق گذشت

از درگذشت سلیمان لایق شاعر، نویسنده و سیاستگر نام آشنای افغانستان یک سال گذشت.

او سال پار در انفجاری در کابل زخم برداشت و در نهایت در اثر زخم های زیاد جان باخت.

شهروندان افغانستان. . .

شنبه ۱۴۰۰/۵/۹ - ۱۱:۴۷
Background image

اعلامیهٔ وزارت اطلاعات و فرهنگ

با تاسف آگاهی یافتیم که دشمنان آزادی بیان و مردم افغانستان تجهیزات رادیوی دهراوت غږ را به تاراج برده اند و ساختمان آن را تخریب کرده اند.

رادیو دهراوت غږ از سیزده سال به اینسو در. . .

BACK TO NEWS