د جهادي خپرونو او کتابتون ریاست د رئیس پیژند غونډه وشوه
د اطلاعاتو او کلتور وزارت د جهادي آثارو د ساتنې لوی ریاست اړوند د جهادي خپرونو او کتابتون رئیس سید نور احمد سعید د پېژند غونډه وشوه.
په دغه غونډه کې د اطلاعاتو او کلتور وزارت مسئولینو، د جهادي آثارو د ساتنې لوی ریاست مسئولینو، ګڼ شمېر علماوو او د یاد ریاست کارکوونکو شتون درلوده.
مسؤلینو د جهادي آثارو او اسنادو د ساتنې، خوندي کولو او خپرولو پر اهمیت ټینګار وکړ او د یې د هېواد د جهادي ارزښتونو د خوندي ساتنې له مهمو بنسټونو څخه وبلله.
مسئولینو هیله څرګنده کړه، چې د ښاغلي سعید په مشرۍ به د جهادي آثارو د راټولولو، تنظیم، چاپ او خپرولو بهیر لا پیاوړی شي.
دغه راز د جهادي خپرونو او کتابتون رئیس سید نوراحمد سعید د مشرانو له باور څخه مننه وکړه او ژمنه یې وکړه، چې د جهادي آثارو د ساتنې، د خپرونو د پراختیا او د کتابتون د غوره خدماتو د وړاندې کولو په برخه کې به هر اړخیزې هڅې وکړي.
د یادونې وړ ده، چې د جهادي خپرونو او کتابتون ریاست د جهادي آثارو د ساتنې لوی ریاست په چوکاټ کې فعالیت کوي او د جهاد اړوند آثارو او اسنادو د راټولولو، ساتنې، ثبت او خپرولو مسئولیت لري.
۱۴۴۷/۸/۲۶ هـ ق
