د کتاب ارزونې کمېسیون نوبتي غونډه ترسره شوه
دوشنبه د (۱۹ د جمادي الاول ۱۴۴۷) د اطلاعاتو او کلتور وزارت د خپرونو چارو معين ښاغلي مهاجر فراهي په مشرۍ د کتاب ارزونې کمېسیون نوبتي غونډه د کمېسیون د غړو په حضور کې ترسره شوه.
د غونډې په پیل کې د کمېسیون منشي د تېرې ناستې راپور وړاندې کړ او د کمېسیون لاسته راوړنې او فعالیتونه مثبت وارزول شول.
په دې غونډه کې د یو شمېر کتابونو په اړه لازمې پرېکړې وشوې او هغه کتابونو چې د اسلامي او افغاني ارزښتونو سره يې سمون درلود، د چاپ اجازه ترلاسه کړه، همدارنګه د ۵۰ بېلابېلو عنوانونو لرونکو صادره شوو کتابونو په اړه هم لازمې پرېکړې وشوې.
د یادونې وړ ده، چې د غونډې په پای کې ۲۰ ټوکه هغه کتابونه چې کمېسيون ته د ارزيابۍ په موخه سپارل شوي وو، د کمېسیون غړو ته ووېشل شول، تر څو راپورونه يې په راتلونکې غونډه کې وړاندې کړي، همدارنګه د چاپ مخکې اثارو او کتابونو د راپورونو د ترتیب څرنګوالي او نورو اړوندو موضوعاتو په اړه هم بحث وشو او نظرونه تبادله شول.
۱۴۰۴/۸/۱۹ هـ ل
